महाराष्ट्र शेतकरी संघटनेच्या अमरावती (ग्रामीण) जिल्हाध्यक्षपदी पार्थ प्रफुल्लराव लोडम यांची नियुक्ती
युवा मेलघाट न्यूज नेटवर्क
अमरावती, दि. 28 जून: महाराष्ट्र शेतकरी संघटनेचे संस्थापक अध्यक्ष सुगत उर्फ सुगतानंद तुळशीराम भटकर यांच्या नेतृत्वाखाली कार्यरत असलेल्या महाराष्ट्र शेतकरी संघटनेच्या अमरावती (ग्रामीण) जिल्हाध्यक्षपदी पार्थ प्रफुल्लराव लोडम यांची नियुक्ती करण्यात आली आहे. शेतकरी हिताच्या विविध प्रश्नांवर सातत्याने कार्य करणारे तसेच सामाजिक व संघटनात्मक क्षेत्रात सक्रिय असलेल्या पार्थ लोडम यांच्यावर संघटनेने ही महत्त्वाची जबाबदारी सोपविली आहे. संघटनेच्या ध्येय-धोरणांनुसार शेतकऱ्यांचे प्रश्न सोडविणे, संघटना गावागावांत बळकट करणे आणि शेतकरी बांधवांना न्याय मिळवून देण्यासाठी ते कार्य करतील, असा विश्वास संघटनेच्या पदाधिकाऱ्यांनी व्यक्त केला. महाराष्ट्र शेतकरी संघटनेचे अध्यक्ष सुगतानंद भटकर यांनी नियुक्तीपत्र प्रदान करून पार्थ लोडम यांची अमरावती (ग्रामीण) जिल्हाध्यक्षपदी नियुक्ती जाहीर केली.
यावेळी अरविंद जानराव लोडम, बबन श्रीराम लोडम, सुनील भुजंगराव लोडम, चंद्रशेखर अरुण लोडम, बाळासाहेब भरतराव लोडम, गणेश शेषराव लोडम, दिगंबर जनार्दन उगले, मोरेश्वर दिवाकर काळे व यश लोडम यांच्यासह इतर मान्यवर उपस्थित होते. या नियुक्तीबद्दल विविध सामाजिक, राजकीय व शेतकरी संघटनांकडून पार्थ लोडम यांचे अभिनंदन करण्यात येत असून त्यांच्या पुढील वाटचालीस शुभेच्छांचा वर्षाव होत आहे.`
