तुमचा जुना लूक ठरेल मोठा धोका; ‘८० चे ट्रेंड’ गुन्हेगारांचे नवे हत्यार, सायबर पोलिसांचा इशारा : ८० च्या दशकाची स्पर्धा रंगली
युवा मेलघाट न्यूज नेटवर्क
अमरावती | सध्या इन्स्टाग्राम, फेसबुक आणि इतर सोशल मीडिया प्लॅटफॉर्मवर ‘#८० चे दशक’ किंवा ‘८० चे ट्रेंड’ नावाचा एक नवा फोटो चॅलेंज तुफान व्हायरल होत आहे. ८० च्या दशकातील लूक, जुने कपडे किंवा आर्टिफिशियल इंटेलिजन्सचा वापर करून तयार केलेले ८० च्या दशकातील फोटो अपलोड करण्याची मोठी स्पर्धा युजर्समध्ये रंगली आहे. मात्र, हा ट्रेंड केवळ मनोरंजनापुरता मर्यादित नसून तो तुमच्या डिजिटल सुरक्षिततेला मोठा धोका ठरू शकतो, असा थेट इशारा सायबर पोलिसांनी दिला आहे.
सोशल मीडियावर कोणताही ट्रेंड आला की लोक आपले स्वतःचे फोटो शेअर करतात. सोशल मीडियावर सतत काहींना काही व्हायरल होत असते. काही व्ह्यूज आणि लाईक्ससाठी सोशल मीडिया इन्फ्लुएन्सर्स ट्रेंड फॉलो देखील करतात. अशातच अनेकदा हे ट्रेंड धोकादायक आणि अडचणीत आणू शकतात. विशेष बाब म्हणजे राज्यातील झाडून सगळ्या सत्ताधारी आणि विरोधी पक्षांच्या नेत्यांनी, आमदार-खासदारांनी देखील या ट्रेंडमध्ये सहभागी होऊन आपले फोटो सोशल मीडियावर पोस्ट केले आहेत. जनतेला कायदे शिकवणाऱ्या आणि जनतेने कायदे बनवण्यासाठी निवडून दिलेल्या लोकप्रतिनिधींनीच अशा धोकादायक ट्रेंडला खतपाणी घालणे, हे अत्यंत गंभीर आहे.
आपले सोशल मीडिया अकाउंट नेहमी ‘पब्लिक’ ऐवजी ‘प्रायव्हेट’ ठेवा, जेणेकरून अनोळखी व्यक्ती तुमच्या फोटोचा गैरवापर करू शकणार नाही. तुमचा जुना फोटो आणि बायोमेट्रिक डेटा वापरून गुन्हेगार डीपफेक तयार करू शकतात किंवा तुमची ओळख चोरू शकतात.
सोशल मीडियावर येणारा प्रत्येक ट्रेंड सुरक्षित असतोच असे नाही. कोणत्याही मोहाच्या किंवा मनोरंजनाच्या क्षणी आपली वैयक्तिक माहिती सुरक्षित ठेवणे हेच अधिक महत्त्वाचे आहे. सावध राहा, सुरक्षित राहा. काही संशयास्पद घडल्यास किंवा सायबर गुन्ह्यासंदर्भात तक्रार करायची असल्यास तात्काळ राष्ट्रीय सायबर हेल्पलाइन क्र. १९३० वर संपर्क साधा किंवा http://www.cybercrime.gov.in या अधिकृत पोर्टलला भेट द्या.
एम. राजकुमार, पोलीस आयुक्त, सोलापूर
—Advertisement—
मालविया मूर्ति भंडार, रंगभवन मैदान, जयस्तंभ चौक धारणी. संजय मालवीय मो. 9420190084
—Advertisement—
