दिनांक 7 मे | अमरावती जिल्हा पोलीस दलात मोठा प्रशासकीय फेरबदल झाला आहे । सध्याचे पोलीस अधीक्षक विशाल आनंद यांची धुळे जिल्ह्याच्या पोलीस अधीक्षकपदी बदली करण्यात आली आहे। शासनाने मंगळवारी रात्री उशिरा याबतचा आदेश जारी केला । विशाल आनंद यांनी अमरावतीत कायदा-सुव्यवस्था अबाधित ठेवण्यासाठी महत्त्वाची भूमिका बजावली होती। त्यांच्या कार्यकाळात अनेक गुन्ह्यांची उकल झाली।
नवे SP कोण? अमरावतीच्या नव्या पोलीस अधीक्षकपदी नागपूर शहर पोलीस दलातील DCP निकेतन कदम यांची नियुक्ती करण्यात आली आहे । कदम हे 2014 च्या IPS बॅचचे अधिकारी असून, नागपूरमध्ये गुन्हे शाखा DCP म्हणून त्यांनी उत्कृष्ट कामगिरी केली आहे । नक्षलग्रस्त भागात काम करण्याचा त्यांना दांडगा अनुभव आहे।
मेलघाटसाठी महत्त्वाचे का? मेलघाटातील धारणी, चिखलदरा हा आदिवासी भाग आहे। अवैध दारू, जंगल तस्करी, वन्यजीव शिकार या समस्या येथे आहेत। नक्षल भागाचा अनुभव असलेले DCP कदम अमरावती SP झाल्याने मेलघाटातील कायदा-सुव्यवस्थेला नवी दिशा मिळण्याची अपेक्षा व्यक्त होत आहे।
नवे SP निकेतन कदम यांचा अल्प परिचय – बॅच: 2014, IPS यापूर्वी: DCP गुन्हे, नागपूर शहर विशेष: नक्षल भागाचा अनुभव मूळ: महाराष्ट्र’
पुढे काय? नवीन SP निकेतन कदम अमरावती येथे पदभार स्वीकारणार आहेत। तर SP विशाल आनंद धुळे येथे रुजू होतील।
अमरावतीकरांच्या अपेक्षा: अमरावती शहर व ग्रामीण भागातील नागरिकांना नव्या SP कडून गुन्हेगारीवर नियंत्रण, वाहतूक समस्या सोडवणे आणि महिला सुरक्षेला प्राधान्य मिळावे, अशा अपेक्षा आहेत।
