अमरावतीत १५ ऑगस्टला भव्य महारक्तदान शिबीर: जिल्हाधिकारी आशिष येरेकर यांचे नागरिकांना आव्हान!
युवा मेलघाट न्यूज़ नेटवर्क _______________________ अमरावती. स्वातंत्र्याचा ८० वा वर्धापन दिन देशभरात उत्साहात साजरा होत असताना अमरावती जिल्ह्यात यंदा रक्तदानाचा भव्य उपक्रम राबवला जाणार आहे. जिल्हाधिकारी श्री. आशिष येरेकर भा.प्र.से. यांनी १५ ऑगस्ट २०२६ रोजी सकाळी ९ वाजता रुबी हॉल, हॉटेल ग्रँड महफील, कॅम्प रोड, अमरावती येथे आयोजित महारक्तदान शिबीरात जिल्ह्यातील सर्व नागरिकांनी उत्स्फूर्तपणे सहभागी व्हावे असे आवाहन केले आहे.
राज्य उत्पादन शुल्क विभाग अमरावती, अमरावती जिल्हा मद्य विक्रेता संघटना आणि हॉटेल असोसिएशन यांच्या संयुक्त विद्यमाने या शिबिराचे आयोजन करण्यात आले आहे. या शिबिराची प्रमुख वैशिष्ट्ये म्हणजे जिल्ह्यातील १० प्रसिद्ध रक्तपेढ्यांचा सहभाग असणार आहे. त्यामध्ये इर्विन हॉस्पिटल रक्तपेढी, डॉ. पंजाबराव देशमुख वैद्यकीय महाविद्यालय रक्तपेढी आणि संत गाडगे बाबा रक्तपेढी यांचा समावेश आहे.
धारणीचे तहसीलदार प्रदीप शेवाळे यांनी सांगितले की एका बाटली रक्ताने ३ रुग्णांचे प्राण वाचू शकतात. रक्तदानासारखे पवित्र कार्य करून आपण खऱ्या अर्थाने देशसेवा करू शकतो. त्यांनिही नागरिकांना या शिबिरात मोठ्या संख्येने सहभागी होऊन रक्तदान करण्याचे आवाहन केले आहे.
आयोजकांनी दिलेल्या माहितीनुसार शिबिरात रक्तदान करणाऱ्या प्रत्येक दात्याला प्रमाणपत्र आणि आरोग्य तपासणी मोफत दिली जाणार आहे. अधिक माहितीसाठी नागरिकांनी राज्य उत्पादन शुल्क विभाग कार्यालय, अमरावती यांच्याशी संपर्क साधावा.
रक्तदान हेच श्रेष्ठदान, एकाचे जीवन वाचवेल आपले योगदान.
