धारणी नगरपंचायतीतील घरकुल योजनेत भ्रष्टाचार; जिल्हाधिकाऱ्यांकडे चौकशीची मागणी
धारणी, दि. 10 – धारणी नगरपंचायत हद्दीतील घरकुल योजनेच्या मंजूर लाभार्थी यादीत मोठ्या प्रमाणात अनियमितता आणि भ्रष्टाचार झाल्याचा गंभीर आरोप युवा स्वाभिमान पार्टीने केला आहे. या प्रकरणाची जिल्हास्तरीय स्वतंत्र समितीमार्फत सखोल चौकशी करण्यात यावी, अशी मागणी पक्षाचे मेलघाट विधानसभा प्रमुख दुर्योधन जावरकर यांनी जिल्हाधिकारी अमरावती यांच्याकडे निवेदनाद्वारे केली आहे.
युवा स्वाभिमान पार्टीचे संस्थापक अध्यक्ष आ. रवी भाऊ राणा यांच्या मार्गदर्शनाखाली, जावक क्र. 522 अन्वये दि. 10/09/2026 रोजी हे निवेदन देण्यात आले. निवेदनात म्हटले आहे की, धारणी नगरपंचायत हद्दीतील घरकुल योजनेत गैरप्रकार झाल्याबाबत वेळोवेळी संबंधित प्रशासनाकडे पत्रव्यवहार करून तक्रारी केल्या आहेत. मात्र, वारंवार तक्रारी करूनही अद्याप कोणतीही ठोस कार्यवाही झालेली नाही.
विशेष म्हणजे, ज्या व्यक्तींकडे आधीपासूनच पक्की घरे आहेत, अशा अपात्र व्यक्तींनाही घरकुलचा लाभ देण्यात आला आहे. तर खऱ्या अर्थाने पात्र आणि गरजू लाभार्थ्यांना डावलण्यात आल्याच्या तक्रारी आहेत. त्यामुळे संपूर्ण यादीची निष्पक्ष चौकशी होणे आवश्यक असल्याचे निवेदनात नमूद केले आहे.
या प्रकरणाची गांभीर्याने दखल घेऊन जिल्हास्तरीय स्वतंत्र समिती गठीत करावी, मंजूर यादी, लाभार्थ्यांची पात्रता, प्रत्यक्ष घराची स्थिती आणि वितरित निधीची सखोल चौकशी करावी, अशी मागणी करण्यात आली आहे. चौकशीदरम्यान दोषी आढळणाऱ्या अधिकारी, कर्मचारी व संबंधित व्यक्तींवर नियमानुसार कारवाई करावी आणि चौकशी अहवालाची प्रत आम्हाला द्यावी, अशी मागणीही जावरकर यांनी केली आहे.
या निवेदनाच्या प्रती उपविभागीय अधिकारी (राजस्व) धारणी आणि मुख्याधिकारी, नगर पंचायत धारणी यांना देण्यात आल्या आहेत.
पोलिस अधिक्षक नीकेतन कदम यांचे नागरिकांना आव्हान!💫युवा मेलघाट न्यूज
चैनल ला follow करा….👇
https://whatsapp.com/channel/0029Vb7sAujK0IBi6xYEtI3C
–Advertisement—
मालविया मूर्ति भंडार, रंगभवन मैदान, जयस्तंभ चौक धारणी. संजय मालवीय मो. 9420190084
