धारणीत पोलिसांची धडक कारवाई; 399 ग्रॅम गांजासह 45 वर्षीय इसमाला अटक, NDPS कायद्याअंतर्गत गुन्हा दाखल
युवा मेळघाट न्यूज – प्रतिनिधि धारणी
धारणी शहरात अमली पदार्थांची विक्री करणाऱ्यांविरोधात पोलिसांनी कंबर कसली असून धारणी पोलिसांनी मोठी कारवाई करत घरात गांजा साठा करून विक्री करणाऱ्या एका इसमाला अटक केली आहे. या कारवाईत 399 ग्रॅम गांजा जप्त करण्यात आला असून त्याची अंदाजे किंमत 20 हजार रुपये आहे.
नेमकी घटना काय? पोलीस अधीक्षक अमरावती ग्रामीण निकेतन कदम यांनी जिल्ह्यात अमली पदार्थ बाळगणारे आणि विक्री करणाऱ्यांवर कठोर कारवाई करण्याचे आदेश दिले होते. या अनुषंगाने 31 ऑगस्ट 2026 रोजी पोलीस निरीक्षक अवतारसिंग चव्हाण यांना गुप्त बातमीदारामार्फत माहिती मिळाली की, नेहरू नगर धारणी येथे राहणारा सैय्यद आरिफ सैय्यद बशीर वय 45 वर्ष हा स्वतःच्या आर्थिक फायद्यासाठी राहत्या घरात गांजा साठवून विक्री करत आहे.
माहिती मिळताच उपविभागीय पोलीस अधिकारी यांची परवानगी घेऊन राजपत्रित अधिकारी तथा तहसीलदार प्रदीप आबा शेवाळे यांच्या उपस्थितीत पोलीस निरीक्षक अवतारसिंग चव्हाण यांनी पथकासह छापा टाकला. पंच आणि फॉरेन्सिक पथकासह कायदेशीर प्रक्रिया पूर्ण करून आरोपीच्या घराची झडती घेतली असता त्याच्या ताब्यातून 399 ग्रॅम गांजा मिळून आला.
या प्रकरणी आरोपी सैय्यद आरिफ सैय्यद बशीर याच्या विरुद्ध पोलीस स्टेशन धारणी येथे अपराध क्रमांक 614/2026 कलम 8(क), 20(ब) ii, 22(ब) NDPS Act अन्वये गुन्हा नोंद करण्यात आला आहे.
ही संपूर्ण कारवाई पोलीस अधीक्षक निकेतन कदम, अपर पोलीस अधीक्षक दत्ता तोटेवाड आणि उपविभागीय पोलीस अधिकारी माधवराव गरुड यांच्या मार्गदर्शनाखाली पोलीस निरीक्षक अवतारसिंग चव्हाण यांच्या नेतृत्वात करण्यात आली.
या कारवाईत सपोनि संदीप पाटील, पोलीस हवालदार सतीश राठोड, पोलीस कॉन्स्टेबल जगत तेलगोटे, आदित्य सुरनार, महिला पोलीस कॉन्स्टेबल कविता सोनोने, वंदना तायडे, फोटोग्राफर, मापारी, फॉरेन्सिक पथक तसेच शासकीय पंच यांचा सहभाग होता.
