धारणीत 15-16 जूलाई ला मतदार यादी अद्ययावत करण्याची विशेष मोहीम, BLO ना तहसीलदार यांचें आदेश
युवा मेलघाट न्यूज़ | प्रतिनिधि धारणी
धारणी दि.15 जुलाई 2026 | भारत निवडणूक आयोगाच्या निर्देशानुसार धारणी शहरात मतदार यादीचे विशेष संक्षिप्त पुनरिक्षण अर्थात SIR अभियान राबविण्यात येणार आहे. या अनुषंगाने 15 जूलाई आणि 16 जूलाई 2026 रोजी विशेष मोहीम आयोजित करण्यात आली आहे. सहा. मतदार नोंदणी अधिकारी तथा तहसिलदार, धारणी यांनी यासंदर्भात मतदान केंद्रस्तरीय अधिकाऱ्यांना पत्र जारी करून सूचना दिल्या आहेत.
तहसिल कार्यालयाकडून मिळालेल्या माहितीनुसार धारणी शहरात एकूण 12917 मतदार आहेत. त्यापैकी आतापर्यंत 9692 मतदारांना गणना फॉर्म म्हणजेच Enumeration Form चे वाटप करण्यात आले आहे. मात्र त्यापैकी केवळ 2385 फॉर्मच आतापर्यंत डिजिटाइज करण्यात आले आहेत. निवडणूक आयोगाने दिलेल्या वेळेचा विचार करता अजूनही मोठ्या प्रमाणात फॉर्म भरणे आणि डिजिटाइज करणे बाकी आहे. या पार्श्वभूमीवर मतदारांपर्यंत जास्तीत जास्त पोहोचण्यासाठी दोन दिवसांची विशेष मोहीम आखण्यात आली आहे. या मोहिमेत 15 आणि 16 जूलाई रोजी सकाळी 10 वाजेपासून संबंधित मतदान केंद्रस्तरीय अधिकारी ठराविक ठिकाणी उपस्थित राहून मतदारांचे फॉर्म भरून घेणार आहेत.
यादी भाग क्रमांक 73, 74, 83 आणि 84 साठी मेळघाट टॉकीजच्या मागे तर यादी भाग क्रमांक 75, 76, 77, 78, 79, 80, 81 आणि 82 साठी रंगभवन, धारणी या ठिकाणी ही मोहीम राबविण्यात येणार आहे. या दोन्ही ठिकाणी मतदारांचे नव्याने नाव नोंदविणे, नाव कमी करणे तसेच पत्त्यातील बदल आदी कामे केली जाणार आहेत.
तहसिलदारांनी धारणी यांनी सर्व संबंधित अधिकाऱ्यांना वेळेत उपस्थित राहून काम पूर्ण करण्याचे निर्देश दिले आहेत. या मोहिमेची माहिती जिल्हाधिकारी अमरावती, नगरपंचायत धारणी आणि सर्व नगरसेवकांना देखील देण्यात आली आहे जेणेकरून जास्तीत जास्त मतदारांपर्यंत ही माहिती पोहोचेल.
