शिवसेना पदाधिकाऱ्यांची संघटनात्मक बैठक संपन्न
युवा मेलघाट न्यूज़_________________________________ चांदूर बाजार – मेळघाट विधानसभा मतदारसंघातील शिवसेना पदाधिकाऱ्यांची महत्त्वपूर्ण संघटनात्मक बैठक मंगळवार दिनांक 2 सप्टेंबर 2026 रोजी संपन्न झाली. कोरटपूर्णा, तालुका चांदूर बाजार येथील शिवसेना मुख्य कार्यालयात ही बैठक आयोजित करण्यात आली होती.
आमदार तथा माजी राज्यमंत्री बच्चूभाऊ कडू यांच्या मार्गदर्शनाखाली ही बैठक पार पडली. या बैठकीत पक्ष संघटना अधिक मजबूत करणे, बूथ स्तरापर्यंत पक्षाची बांधणी करणे तसेच आगामी काळातील पक्षाच्या कार्याची दिशा याबाबत सविस्तर चर्चा करण्यात आली. पदाधिकाऱ्यांना आगामी कार्याबाबत मार्गदर्शनही करण्यात आले.
या बैठकीला जिल्हाप्रमुख प्रमोदसिंह गड्रेल, शिवसेना तालुका प्रमुख शैलेश मालवीय, रामकृष्ण सोनवणे, चिखलदरा तालुका प्रमुख निलेश मालवीय, युवासेना तालुका प्रमुख राकेश झारखांडे, गोलाई सरपंच दिनेश मावसकर, अजय बिलावेकर यांच्यासह शिवसेनेचे पदाधिकारी आणि मोठ्या संख्येने शिवसैनिक उपस्थित होते.
