विमुक्त जाती-भटक्या जमातींसाठी २७ सप्टेंबरला धारणीत विशेष प्रमाणपत्र अभियान
युवा मेलघाट न्यूज| टिम ब्युरो ______________________ धारणी – तालुक्यातील विमुक्त जाती व भटक्या जमातीच्या नागरिकांना शासनाच्या विविध योजना तसेच आवश्यक प्रमाणपत्रांचा लाभ मिळवून देण्यासाठी ‘भटके विमुक्त हक्क व प्रमाणपत्र अभियान’ विशेष मोहीम राबविण्यात येणार आहे.
तहसील कार्यालय धारणी यांच्या कार्यालयाकडून जारी करण्यात आलेल्या प्रसिद्धीपत्रकानुसार, रविवार, २७ सप्टेंबर २०२६ रोजी सकाळी १० वाजता नवीन प्रशासकीय इमारत, तहसील कार्यालय धारणी येथे या विशेष मोहिमेचे आयोजन करण्यात आले आहे.
विमुक्त जाती व भटक्या जमातीतील नागरिकांनी शासनाच्या विविध योजना व प्रमाणपत्रांचा लाभ मिळविण्यासाठी या अभियानात उपस्थित राहावे, असे आवाहन प्रशासनाच्या वतीने करण्यात आले आहे.
नागरिकांच्या प्रमाणपत्रासंबंधीच्या अडचणी दूर करून शासनाच्या योजनांचा लाभ मिळवून देण्यासाठी हे अभियान महत्त्वाचे ठरणार आहे. विमुक्त जाती व भटक्या जमातीतील नागरिकांनी २७ सप्टेंबर रोजी सकाळी १० वाजता तहसील कार्यालय धारणी येथील नवीन प्रशासकीय इमारतीत उपस्थित राहावे, असे आवाहन तहसीलदार धारणी मा. प्रदीप शेवाळे यांनी केले आहे.
✨✨✨✨✨
श्रीराम ज्वेलर्सचे संचालक दिनेश राऊत यांच्या निवासस्थानी गणपती बाप्पाची स्थापना; महाप्रसादाचे आयोजन
युवा मेलघाट न्यूज –
धारणी 24 सप्टेंबर 2026 – शहराचे प्रतिष्ठित नागरिक धारणी येथील श्रीराम ज्वेलर्सचे संचालक श्री दिनेश राऊत सर यांच्या निवासस्थानी बसविण्यात आलेल्या बाप्पाची विधिवत स्थापना करण्यात आली आहे. दरवर्षीप्रमाणे यंदाही भक्तीभावात बाप्पाचे आगमन झाले असून गुरुवार दि. २४ सप्टेंबर २०२६ रोजी महाप्रसादाचे आयोजन करण्यात आले आहे.
श्री गणपती बाप्पाच्या निमित्ताने आयोजित महाप्रसादाचा कार्यक्रम भक्तीभावात संपन्न झाला.
यावेळी राऊत परिवारासह नातेवाईक, मित्रपरिवार, व्यापारी बांधव व नागरिक मोठ्या संख्येने उपस्थित होते. बाप्पाच्या दर्शनासह महाप्रसादाचा लाभ भाविकांनी घेतला.
